جامعہ کراچی انتظامیہ کو بغیراجازت امتحانات منعقد کرانا مہنگا پڑگیا
کراچی :جامعہ کراچی انتظامیہ نے بیک ڈیٹ میں امتحانات ملتوی کرنے کا نوٹیفکیشن جاری کردیا۔ تفصیلات کے مطابق جامعہ کراچی نے 5 اگست سے منعقدہ امتحانات ملتوی کر دیئے ، جامعہ کراچی سمسٹر سیل کے تحت ضمنی امتحانات سالانہ 2019 کے امتحانات 5 اگست سے جامعہ کراچی انتظامیہ نے شروع کیے تھے جبکہ صوبائی حکومت نے کورونا وائرس کے پیش نظر سندھ بھر میں تعلیمی ادارے بند کر رکھے ہیں اور تعلیمی اداروں کو 15 ستمبر سے کھولنے پر غور کیا جا رہا ہے ۔ دوسری جانب ذرائع کے مطابق بغیر اجازت عملی امتحانات منعقد کرنے پر صوبائی حکومت نے نوٹس لیتے ہوئے فوراً اس عمل کو روکنے کے احکامات دیئے۔
حوالہ: یہ خبر روزنامہ دنیا کراچی کی ویب سائٹ پر مورخہ 08 اگست 2020 کو شائع ہوئی