PakStudy :Yours Study Matters

Education News / Students Organisation => Education News => Education News in Punjab => Topic started by: sb on December 02, 2020, 01:19:19 PM

Title: میڈیکل انٹری ٹیسٹ دینےوالے طلبا کیلئے نئی شرط
Post by: sb on December 02, 2020, 01:19:19 PM

میڈیکل انٹری ٹیسٹ دینےوالے طلبا کیلئے نئی شرط
لاہور: میڈیکل ٹیسٹ دینے والے لاکھوں امیدواروں کیلئے بڑا امتحان، کورونا ٹیسٹ کی مثبت رپورٹس پر امیدواروں کو کل ہونے والے نیشنل ایم ڈی کیٹ دینے کی اجازت نہیں ہوگی، پوزیٹو رپورٹس کے حامل امیدواروں کیلئے تیرہ دسمبر کو ٹیسٹ ہوگا۔

پاکستان میڈیکل کمیشن کے تحت این ٹی ایس کی جانب سے لیے جانے والے ایم ڈی کیٹ میں طلباء کیلئے نئی مشکل پیدا ہوگئی ہے۔ امیدواروں کیلئے کورونا ٹیسٹ کی رپورٹس کی شرط عائد کر دی گئی ہے۔ امیدواروں کو کورونا ٹیسٹ کی مثبت رپورٹ این ٹی ایس کی ویب سائیٹ پر اپ لوڈ کرنے کی ہدایت کی گئی ہے۔ مثبت کورونا ٹیسٹ پر امیدواروں کیلئے 13 دسمبر کو دوبارہ امتحان منعقد ہوگا۔ آج رات تک کورونا کی مثبت رپورٹ اپ لوڈ کرنے والے طلباء ہی 13 دسمبر کو ٹیسٹ دے سکیں گے۔
کورونا ٹیسٹ کی رپورٹ منفی ہونے پر امیدواروں کو ٹیسٹ میں بیٹھنے کی اجازت ہوگی۔ جن طلباء کے پاس کورونا ٹیسٹ کی رپورٹ نہیں ہوگی ان کا ٹیسٹ نہیں لیا جائے گا۔ پاکستان میڈیکل کمیشن کے مطابق پندرہ نومبر سے 29 نومبر کے درمیان جن امیدواروں کی کورونا رپورٹ مثبت ہوگی وہ ٹیسٹ میں شریک نہیں ہوں گے۔ کورونا ٹیسٹ کی شرط عائد ہونے سے لاکھوں امیدواروں کو پریشانی کا سامنا ہے۔
ایلمنٹری سکول ٹیچرز کیلئے بڑی خوشخبری
دوسری جانب این ٹی ایس کی ویب سائیٹ ڈاؤن ہونے سے امیدواروں کو اپنی کورونا رپورٹ ویب سائیٹ پر اپ لوڈ کرنے میں بھی مشکلات کا سامنا ہے۔امیدواروں نے پاکستان میڈیکل کمیشن سے این ٹی ایس کی ویب سائٹ فنکشنل نہ ہونے کا نوٹس لینے کا مطالبہ کیاہے۔ این ٹی ایس کی ویب سائٹ فنکشنل نہ ہونے سے امیدواروں کو رول نمبر سلپس ڈاؤن لوڈ کرنے میں پریشانی کا سامنا ہے۔
حوالہ: یہ خبر روزنامہ سٹی 42 کی ویب سائٹ پر مورخہ 02 دسمبر 2020 کو شائع ہوئی