فیڈرل بورڈ انٹرمیڈیٹ کے دوسرے سالانہ امتحانات کے نتائج
وفاقی تعلیمی بورڈ نے انٹرمیڈیٹ کے دوسرے سالانہ امتحانات کے نتائج کا اعلان کر دیا ، اعلان جمعہ کو تعلیمی بورڈ میں منعقدہ تقریب میں کیا گیا جس کی مہمان خصوصی فیڈرل سیکرٹری ایجوکیشن ناہید درانی تھیں۔
اس موقع پر چئیرمین فیڈرل بورڈ قیصر عالم بھی موجود تھے۔ نتائج کے مطابق مجموعی طور پر 35ہزار سے زائد طلبہ پیپر دینے آئے، 50فیصد سے زائد فرسٹ ڈویژن میں پاس ہوئے، امپروومنٹ کرنیوالے 19147سٹوڈنٹس فرسٹ ائیر اور 7656سیکنڈ ائیر امتحانات میں حاضر ہوئے۔
اس موقع پر وفاقی سیکرٹری تعلیم ناہید درانی نے اپنے خطاب میں کہا کہ فیڈرل بورڈ نے مختصر عرصے میں ریفارمز متعارف کروائیں۔انہوں نے کہا کہ وفاقی تعلیمی بورڈ نے ای مارکنگ کا آغاز کیا ہے اس سے ملک کے بڑی تعداد میں سکول فیڈرل بورڈ سے منسلک ہونا چاہیں گے۔
قیصر عالم نے کہا کہ بین الاقوامی معیار کے مطابق سال میں دو بار امتحانات لینے کا فیصلہ کیا گیا۔ انہوں نے کہا کہ کورونا کے دوران طلباء کی تیاری نہ ہونے کی وجہ سے سپیشل امتحان لینے کا فیصلہ کیا گیا۔اسپیشل امتحان میں سالانہ امتحان کی طرز پر اختیاری مضامین کے امتحان ہوئے