PakStudy :Yours Study Matters

Examination Board => Examination Board In Khyber-Pakhtoonkhwa => BISE Abbottabad Board => Topic started by: iram on January 20, 2009, 01:57:59 PM

Title: ایبٹ آباد بورڈ کے پروفیسر حمایت اللہ انٹر بورڈ کمیٹی آف چیئرمین کے سربراہ مقرر
Post by: iram on January 20, 2009, 01:57:59 PM

 
ایبٹ آباد بورڈ کے پروفیسر حمایت اللہ انٹر بورڈ کمیٹی آف چیئرمین کے سربراہ مقرر
   
کراچی (اسٹاف رپورٹر) وفاقی وزارت تعلیم نے ایک ماہ کی تاخیر کے بعد انٹر بورڈ کمیٹی آف چیئرمین (آئی بی سی سی) کے سربراہ کے بارے میں یہ فیصلہ کرتے ہوئے رواں سال کی مدت کے لئے ثانوی و اعلیٰ ثانوی تعلیمی بورڈ ایبٹ آباد کے چیئرمین پروفیسر حمایت اللہ کو آئی بی سی سی کا سربراہ مقرر کر دیا ہے۔یاد رہے کہ اس مرتبہ یہ عہدہ پنجاب کیلئے مختص تھا تاہم گزشتہ روایت کے تحت اس عہدے کیلئے تمام اراکین کمیٹی اس صوبے کے نامزد کردہ چیئرمین کے بارے میں رائے دیتے تھے لیکن سابق وزیر تعلیم جاوید اشرف قاضی کے دورمیں 4 برس پرانی اس جمہوری روایت کو ختم کر کے فیصلہ کیا گیا تھا کہ متعلقہ صوبہ اس عہدے کیلئے تین نام تجویز کرے گا جن میں سے کسی کا انتخاب کرنے کا اختیار وفاقی وزارت تعلیم کے پاس رہے گا۔ اب توقع کی جا رہی تھی کہ آئی بی سی سی کو بھی ماضی کی طرح پھر سے اپنا چیئرمین منتخب کرنے کا حق دیدیا جائے گا تاہم ایسا نہیں ہوسکا۔



شکریہ جنگ

۔۔۔۔۔۔۔۔۔۔۔۔۔۔۔۔۔