Author Topic: کابل سیدالشہدا اسکول کار حملے میں جاں بحق طلبہ و طالبات سپرد خاک  (Read 486 times)

Offline AKBAR

  • Editorial board
  • Hero Member
  • *****
  • Posts: 4924
  • My Points +1/-1
  • Gender: Male
    • pak study

کابل سیدالشہدا اسکول کار حملے میں جاں بحق طلبہ و طالبات سپرد خاک
کابل کے سیدالشہدا اسکول پر کار حملے میں جاں بحق ہونے والے طلبہ و طالبات کو آہوں اور سسکیوں کے ساتھ سپرد خاک کر دیا گیا۔

طلبہ و طالبات کی تدفین میں عوام کی بڑی تعداد نے شرکت کی جبکہ ہزارہ کمیونٹی سے تعلق رکھنے والے لواحقین غم سے نڈھال ہیں۔
کابل میں اسکول کے باہر بم دھماکے میں جاں بحق افرادکی تعداد 68 ہوگئی

دھماکے میں جاں بحق آٹھویں جماعت کی طالبہ کے والد نے کہا کہ ماں بیٹی کو اسکول جانے سے روک رہی تھی، بیٹی نے کہا تھا کہ ایک روز اور اسکول جانے دو، اگلے روز اسکول نہیں جاوں گی، بیٹی نے سچ کہا تھا، وہ اسکول نہ جا سکی، اس کی آج تدفین ہو گئی۔

افغان دارالحکومت کابل میں اسکول کے باہر ہونے والے دھماکے میں جاں بحق افراد کی تعداد 68 ہو گئی جبکہ 165 زخمیوں میں سے کئی کی حالت تشویشناک ہے۔

دہشتگردی کے خلاف افغانستان میں کل یوم سوگ کا اعلان کیا گیا ہے۔