Author Topic: ایچ ای سی کی جانب سے آن لائن کلاسز کا اجراء قابل تشویش ہے، آئی جے ٹی  (Read 558 times)

Offline sb

  • Good Member Group
  • Hero Member
  • **
  • Posts: 29120
  • My Points +5/-0
  • Gender: Female

ایچ ای سی کی جانب سے آن لائن کلاسز کا اجراء قابل تشویش ہے، آئی جے ٹی
پشاور: اسلامی جمعیت طلبہ خیبر پختونخوا کے ناظم شکیل احمد نے کہا ہے کہ ہائیر ایجوکیشن کمیشن کی جانب سے آن لائن کلاسز کا اجراءتشویش ناک ہے کیونکہ صوبہ کے طالب علموں کی بڑی تعداد انٹرنیٹ اور دوسری ضروری لوازمات سے محروم ہے جس کی وجہ سے طالب علم آن لائن کلاسز میں شرکت سے محروم رہ جائیں گے ۔ انہوں نے کہا کہ آن لائن کلاسز سے ایک جانب طالب علموں کاتعلیمی سال ضائع ہونے سے بچ جائیگا لیکن آن لائن کلاسز کی سہولت پاکستان کے صرف چند شہروں تک محدودد اور ملک کا ایک بڑا حصہ کوالٹی انٹرنیٹ اور موبائل سروس سے محروم ہے جس کی وجہ سے ان طلبہ کا تعلیم سے محروم رہنے کا خدشہ ہے ،حکومت انٹرنیٹ اور موبائل سروس سے محروم طلبہ کی انٹرنیٹ تک رسائی کے لئے کیا اقدامات کررہی ہے؟انہوں نے کہا حکومت کی ذمہ داری بنتی ہے کہ وہ آن لائن کلاسز شروع کرنے سے پہلے ان علاقوں میں انٹرنیٹ کی سہولت کو یقینی بنائیں اور اساتذہ کرام اور طلبہ کی تربیت کا انتظام کریں۔شکیل احمد نے صوبہ کی مختلف جامعات کی جانب سے طلبہ سے سمسٹر فیس جمع کرنے کے مطالبہ پر تشویش کا اظہار کرتے ہوئے کہا ہے کہ کورونا وائرس وباءکی معاشی تباہی کے پیش نظر جامعات کی ٹیوشن فیس معاف کی جائے کیونکہ غریب طلبہ معاشی بحران کی وجہ سے جامعات کی بڑی بڑی فیسیں ادا کرنے کے قابل نہیں رہے۔
حوالہ: جنگ نیوز پشاور مورخہ 17 مئی 2020ء
If you born poor, its not your fault....But if you die poor, its your fault...."Bill Gates"