داؤد یونیورسٹی آف انجینئرنگ اینڈ ٹیکنالوجی میں تقریب
داؤد یونیورسٹی آف انجینئرنگ اینڈ ٹیکنالوجی کے وائس چانسلر ڈاکٹر فیض اللّٰہ عباسی نے کہا ہے کہ مشکلات میں گھری داؤد انجینئرنگ یونیورسٹی کی ترقی ملازمین اور فیکلٹی کی محنت کا نتیجہ ہے جس نے گزشتہ 8سال میں میرا انتہائی خوشدلی سے میرا ساتھ دیا تاکہ میں اس تعلیمی ادارے کو اپنےپیروں پر کھڑا کر سکیں۔ ان خیالات کا اظہار انہوں نے جامعہ کے مرکزی آڈیٹوریم میں آفیسرز اور غیر تدریسی عملے سے خطاب کرتے ہوئے کیا۔ قبل ازیں آفیسرز اور ملازمین نے وائس چانسلر ڈاکٹر فیض اللہ عباسی کیلئے حکومت پاکستان کی جانب سے ’تمغہ امتیاز‘ میں نامزدگی پر مبارکباد پیش کی۔ اس موقع پر آفیسرز کے نمائندے آصف علی سندیلو اور غیر تدریسی ملازمین کی ایسوسی ایشن کے صدر رشید گوپانگ ، سیکرٹری جنرل مجیب سہتو کی قیادت میں مرکزی لان سے آڈیٹوریم تک نکالی گئی ریلی میں وائس چانسلر ڈاکٹر فیض اللّٰہ عباسی سے اظہار یکجہتی کیا گیا۔