جامعہ کراچی میں بین الاقوامی کانفرنس شروع
جامعہ کراچی کے شعبہ کمپیوٹرسائنس کے زیراہتمام دوسری دو روزہ بین الاقوامی کانفرنس بعنوان انفارمیشن سائنس اینڈ کمیونی کیشن ٹیکنالوجی کی افتتاحی تقریب (آج) ہفتہ کو صبح 9:30 بجے انٹرنیشنل سینٹر فارکیمیکل اینڈ بائیولوجیکل سائنسز جامعہ کراچی کے پروفیسر ڈاکٹر سلیم الزماں صدیقی آڈیٹوریم میں منعقد ہوگی۔
کراچی : شیخ الجامعہ پروفیسرڈاکٹرخالدمحمودعراقی صدارت کریں گے جبکہ چیئرمین پاکستان سائنس اینڈ ٹیکنالوجی ٹاسک فورس پروفیسر ڈاکٹرعطاالرحمن مہمان خصوصی اور ممبرقومی اسمبلی ڈاکٹر سیدہ شاہدہ رحمانی مہمان اعزازی ہوں گی۔ چیئرمین شعبہ کمپیوٹر سائنس جامعہ کراچی ڈاکٹرصادق علی خطبہ استقبالیہ پیش کریں گے جبکہ آئی ای ای ای کراچی سیکشن کے پروفیسر ڈاکٹربھوانی شنکر خطاب کریں گے۔
حو الہ: یہ خبر روزنامہ دنیا کراچی ایڈیشن مورخہ 08 ٖفروری ، 2020ء کو شائع ہوئی