PakStudy :Yours Study Matters

MEDICAL COLLEGE In PAKISTAN => MEDICAL COLLEGE IN PUNJAB => NMC Multan => Topic started by: sb on December 26, 2018, 11:47:17 AM

Title: گریجویٹ ڈپلومہ کورسز یونیورسٹی آف ہیلتھ سائنسزسے منظور کرائے جائیں
Post by: sb on December 26, 2018, 11:47:17 AM

گریجویٹ ڈپلومہ کورسز یونیورسٹی آف ہیلتھ سائنسزسے منظور کرائے جائیں
ملتا ن : پی ایم اے ملتان کا اجلاس صدر پروفیسر ڈاکٹر مسعود الرئوف ہراج کی قیادت میں ہوا جس میں نشتر میڈیکل یونیورسٹی میں سینٹرل انڈکشن پالیسی کے تحت مختلف شعبوں میں غیر رجسٹرڈ ایم ایس، ایم ڈی کورسز میں کام کرنے والے ڈاکٹروں کے غیر یقینی تعلیمی مستقبل پر پی ایم ڈی سی کے حالیہ نوٹیفکیشن پر گہری تشویش کا اظہار کیا گیا ،
 پی ایم اے نے اس امر کی مذمت کی گئی کہ 2 سال کا عرصہ گذر جانے کے باوجود نشتر کی انتظامیہ نے ان تمام کورسز کو یو ایچ ایس سے نہ تو منظور کرایا اور نہ ہی کوئی عملی اقدامات کئے
اور اس نااہلی کی وجہ سے سیکڑوں ڈاکٹروں کا مستقبل سوالیہ نشان بن گیا ہے، پی ایم اے ملتان نے نشترانتظامیہ سے مطالبہ کیا کہ ان پوسٹ گریجویٹ ڈپلومہ کورسز کو یونیورسٹی آف ہیلتھ سائنسزسے منظور کرانے کے لئے اقدامات کئے جائیں ، اگر ایسا نہ ہوا تو پی ایم اے ملتان ان تمام ڈاکٹروں کے مستقبل کو محفوظ بنانے کے لئے آخری حد تک جائےگی ۔

حوالہ: یہ خبر روزنامہ جنگ ملتان  ایڈیشن میں مورخہ 26 دسمبر 2018ء کو شائع ہوئی