ISO Karachi's Al-Quds Day Rally Exhibition to Tibet Center
آئی ایس او کراچی کی یوم القدس ریلی نمائش تا تبت سینٹر
تحریک آزادی القدس پاکستان کے رہنمائوں ، شیعہ علماء کونسل صوبہ سندھ کے علامہ ناظر عباس تقوی، مرکزی صدر آئی ایس او عارف حسین الجانی ، رہنما شیعہ ایکشن کمیٹی علامہ مرزا یوسف حسین ، رہنما ذاکرین امامیہ علامہ نثار قلندری ، رکن نظارت آئی ایس او مولانا عقیل موسیٰ، رہنما فلسطین فاءونڈیشن صابر ابو مریم نے کراچی پریس کلب میں پریس کانفرنس سے خطاب کیا،اس موقع پر آئی ایس او کے مر کزی صدر عارف حسین الجانی نے کہا کہ رواں سال عالمی یوم القدس 24 رمضان المبارک کو منایا جائیگا اس سلسلے میں ملک بھر میں میں 50سے زائد ریلیاں نکالی جائیں گی جبکہ مرکزی آزادی بیت المقدس ریلی کراچی میں نمائش تا تبت سینٹر نکالی جائیگی جس میں سیاسی و مذہبی جماعتوں کے رہنماء خطاب کریں گے ۔
علامہ ناظر عباس تقوی نے کہا کہ مسئلہ فلسطین کئی دہائیوں سے عالمی مسئلہ بنا ہوا ہے لیکن جب تک پاکستان و دیگر اسلامی ممالک میں انسانیت کے حقیقی علمبردار موجود ہیں اس مسئلے کو کسی صورت دبنے نہیں دیں ، بیت المقدس مسلمانوں کا قبلہ اول ہے ، اور اسی قبلہ اول کی اہمیت کو اجاگر کرنے کے لیے امام خمینی نے جمعۃ الوداع کو یوم القدس منانے کا اعلان کیا تھا ، اس فرمان پر لبیک کہتے ہوئے دنیا بھر میں ہر سال یوم القدس منایا جاتا ہے ۔
آئی ایس او بلوچستان میں یوم القدس کی تقریبات
کل امامیہ اسٹوڈنٹس آرگنائزیش بلوچستان کے مرکزی رہنماوں ساتھ مجلس وحدت مسلمین کے مرکزی ترجمان علامہ مقصود ڈومکی نے کہا ہے کہ جمعہ 7 مئی کو یوم القدس منایا جائے گا فلسطین کے عوام کے ساتھ اظہار یکجہتی کے طور پر عوام یوم القدس کے اجتماعات میں بھرپورشرکت کریںحکومت فلسطین سمیت کشمیر کاز کے خلاف ہرزہ سرائی کرنے والوںکے خلاف سخت اقدامات اٹھائے ان خیالات کا اظہار انہوں نے بدھ کو کوئٹہ پریس کلب میں پریس کانفرنس کرتے ہوئے کیا ۔
اس موقع پر پیر سید حبیب اللہ شاہ چشتی ، میر مہیم خان بلوچ ، عبدالہادی کاکڑ ، سید شبیر علی شاہ و دیگر بھی موجود تھے علامہ مقصود ڈومکی نے کہا کہ مغربی دنیا توہین قرآن اور پیغمبر اسلام حضرت محمد مصطفی ﷺ کی شان میں گستاخی کے ذریعے عالم اسلام کے جذبات سے کھیلنا بند کردے فلسطینی کاز کے خلاف دشمن سرگرم ہیں
امریکہ ، اسرائیل ، ہندوستان اور ان کے دوست ممالک پاکستان کے خلاف سازشوں میں مصروف عمل ہیں لیکن پاکستان کےعوام نظریہ اور اصولوں پر کاربند ہیں اور اسرائیل کے ساتھ تعلقات کو مسترد کرچکے ہیں، اس معاملے پر مزیداستقامت کی ضرورت باقی ہے کسی بھی عرب یا دوسرے ممالک کے حکمرانوں کی اسرائیلی دوستانہ پالیسی کا پاکستان کی خارجہ پالیسی پر کوئی اثر نہیں ہونا چاہے
پاکستان کی پالیسی وہی ہوگی جو قائد اعظم محمد علی جناح کی تھی انہوں نے علمائے کرام سے اپیل کی کہ یوم القدس کے موقع پر قبلہ اول کی بازیابی کے عہد کی کے حوالے سے نماز جمعہ میں خطبات پیش کریں ۔