پشاور یونیورسٹی میں ایک مشتبہ گاڑی داخل ہونے کی اطلاع پر کیمپس سیکیورٹی الرٹ
پشاور: پشاور یونیورسٹی میں ایک مشتبہ گاڑی داخل ہونے کی اطلاع پر کیمپس سیکیورٹی الرٹ کردی گئی جبکہ گاڑی کی تلاش جاری ہے ۔ آج صبح گیارہ بجے کے قریب کالے رنگ کی ایک مشتبہ ٹورڈی مو ٹرکار پشاور یونیورسٹی میں داخل ہو گئی جس کے تلاش کے لیے کیمپس پولیس نے سیکیورٹی سخت کرکے سرچ آپریشن شروع کیا۔
یونیورسٹی انتظامیہ نے فوری طور پر کیمپس کے تمام شعبہ جات سے طالب علموں اور اسٹاف کو نکلنے کا حکم دیا جبکہ ہاسٹلوں کی سیکیورٹی بھی بڑھا دی گئی۔ مشتبہ گاڑی کے داخل ہونے کی اطلاع کے بعد ایم کام کا ایک پرچہ بھی منسوخ کیا گیا.
عینی شاہدین کا کہنا تھا کہ پولیس نےایک مشتبہ گاڑی پر فائرنگ بھی کی ہے تاہم گاڑی نکلنے میں کا میاب ہوگئی ہے جبکہ پولیس نے فائرنگ کے واقعے سے لاعلمی کا اظہار کیاہے۔ کیمپس پولیس تھا نہ کے قریب ایک راہ گیر کو پولیس حراست میں لے لیا تاہم تفتیش پر معلوم ہوا کہ وہ ایک پروفیسر کا بھانجا تھا جسے بعد میں رہا کیا گیا، آخری اطلاعات تک پشاور یونیورسٹی میں سرچ آپریشن جا ری تھا۔
شکریہ اے آر وائی