روبینہ مشتاق اردو یونیورسٹی کی قائم مقام وائس چانسلر مقرر
پروفیسر روبینہ مشتاق 6 ماہ کے لئے وفاقی اردو یونیورسٹی کی قائم مقام وائس چانسلر مقرر کر دی گئیں، صدر مملکت کی منظوری کے بعد وفاقی وزارت تعلیم نے نوٹیفکیشن جاری کردیا ہے۔
صدر مملکت کی جانب سے روبینہ مشتاق کے نام کی وفاقی اردو یونیورسٹی میں قائم مقائم وائس چانسلر کی منظوری کے بعد وفاقی وزرات تعلیم نے باقاعدہ طور پر نوٹیفکیشن جاری کردیا ہے۔
روبینہ مشتاق کو 6 ماہ کے عرصے کے لئے قائم مقام وائس چانسلر تعینات کیا گیا ہے، پروفیسر روبینہ جامعہ اردو کی سینئر ترین ڈین ہیں، اس کے علاوہ وہ ڈین سائنسز، ڈین فارمیسی اور ڈین الیکٹریکل انجینئرنگ کے فرائض بھی انجام دے چکی ہیں۔
آئندہ 6 ماہ کے دوران جامعہ اردو میں تلاش کمیٹی کے ذریعے مستقل وائس چانسلر تعینات کیا جائیگا۔
حوالہ: یہ خبر روزنامہ جنگ کی ویب سائٹ پر مورخہ 18 ستمبر 2020 کو شائع ہوئی
