منہاج یونیورسٹی ورلڈ گرین رینکنگ میں شامل
وزیر جنگلات سبطین خان نے منہاج یونیورسٹی کو ورلڈ گرین رینکنگ میں شامل ہونے پر مبارکباد دیتے ہوئے کہا ہے کہ پاکستان کی سرسبز ترین جامعات میں مزید ایک جامعہ کا اضافہ خوش آئند اور حوصلہ افزاء امر ہے۔ سبطین خان نے مزید کہا کہ تعلیمی ادارےطلبہ میں شجرکاری کا جذبہ پیدا کریں۔ انہوں نے کہا کہ اساتذہ طلبہ میں شجرکاری کا شعور اجاگر کرنے بارے بنیادی کردار ادا کر سکتے ہیں۔ ہماری نسلیں زمانہ طالبعلمی سے ہی اس ویژن کے ساتھ جڑ جائیں گی تو مستقبل قریب میں پاکستان کو آلودگی اور سموگ سے نجات مل سکتی ہے۔