صوبے بھر کی لائبریریوں کی آٹو میشن پر منتقلی شروع
لاہور: صوبے بھر کی لائبریریوں کی آٹو میشن پر منتقلی شروع ہوگئی ۔ لاکھوں کتابوں کے حوالے سے معلومات ایک کلک کی دوری پر ہونگی۔ تفصیل کے مطابق محکمہ آرکائیو اینڈ لائبریریز کی جانب سے صوبے بھر کی تمام 70 لائبریریوں کو آٹو میشن پر منتقل کرنا شروع کردیا گیا ۔ اس حوالے سے ڈی جی لائبریریز ڈاکٹر عاشہ کا کہنا ہے قاری تک کتابوں کی رسائی آسان بنانے کے لیے کام شروع کیا گیا ،70 لائبریریوں میں موجود لاکھوں کتابوں کے کیٹلاگ بنائے جارہے ہیں،محکمہ آرکائیو اینڈ لائبریریز اور پی آئی ٹی بی میں ایم او یو ہوگا ،منصوبے کے تحت 10 ہزار کتابوں کے کیٹلاگ مکمل کرلئے گئے ۔کونسی کتاب کہاں اور کس لائبریری میں ہے قاری کو صرف ایک کلک سے معلوم ہوسکے گا ۔
حوالہ: یہ خبر روزنامہ دنیا کی ویب سائٹ پر مورخہ 12 دسمبر 2020 کو شائع ہوئی