PakStudy :Yours Study Matters

Education News / Students Organisation => Students Organisation In Pakistan => IJT => Topic started by: AKBAR on October 01, 2021, 11:39:09 AM

Title: میڈیکل کالجوں میں داخلوں کے خواہشمند طلبہ کا احتجاج جاری
Post by: AKBAR on October 01, 2021, 11:39:09 AM

میڈیکل کالجوں میں داخلوں کے خواہشمند طلبہ کا احتجاج جاری
میڈیکل اینڈ ڈینٹل کالجز میں داخلوں کیلئے ایک ہی روز ٹیسٹ کے مطالبے پر عمل درآمد کیلئے جمعرات کو آٹھویں روز بھی ڈی چوک میں میڈیکل کے طلباء کا احتجاج جاری رہا،اسلام جمیت طلبہ سمیت دیگر طلباء تنظیموں کے گروپ بھی ڈی چوک میں آنا شروع ہوگئے ہیں،پی ایس ایف کے طلباء بھی ڈی چوک میں پہنچ گئے۔ پاکستان مسلم لیگ ( ن ) کے سیکرٹری جنرل احسن اقبال بھی اظہار یکجہتی کیلئے ڈی چوک پہنچے اور ایم ڈی کیٹ کا معاملہ پارلیمنٹ میں اٹھانے کی یقین دہانی کرائی۔ احتجاجی طلباء دوپہر بارہ بجے سے قبل ہی پاکستان میڈیکل کمیشن کے سامنے جمع ہوگئے تھے تھے جہاں دیگر طلباء نے اپنے والدین کے ہمراہ احتجاج کرتے ہوئے نعرے بازی کی۔ بعد میں وہ جلوس کی شکل میں سری نگر ہائی وے سے گزرتے ہوئے پارلیمنٹ ہاؤس کے سامنے پہنچ گئے۔