Library Sindh Study FG Study Punjab Study
PakStudy :Yours Study Matters

Recent Posts

Pages: [1] 2 ... 10
1
A young candidate died while running in the Punjab Police job test
پنجاب پولیس جاب ٹیسٹ میں دوڑ کے دوران نوجوان امیداوارانتقال کرگیا
سیالکوٹ: پولیس بھرتی ٹیسٹ میں دوڑکےدوران نوجوان انتقال کرگیا،ریسکیوذرائع
سیالکوٹ کی مقامی میدان میں آج پنجاب پولیس میں بھرتی ٹیسٹ میں دوڑ کے دوران نوجوان انتقال کرگیا۔
سیالکوٹ میں پولیس کانسٹیبلز کی بھرتی کے لیے آج دوڑ ٹیسٹ منعقد کیا گیا۔
جس کے دوران ایک نوجوان انتقال کرگیا۔
اسپتال انتظامیہ کا کہنا ہے کہ امیدوار کی ہلاکت دل کا دورہ پڑنے سے ہوئی ہے۔
خیال رہے کہ پنجاب پولیس میں بھرتی کے لئے امیدواروں کی دوڑ کا مرحلہ ہوتا ہے
قد، چھاتی کی پیمائش کا مرحلہ مکمل کرنے والے امیدواروں  اس مراحلے میں  حصہ لینے کے اہل ہوتے ہیں۔
 امیدواروں کو ڈیڑھ کلومیٹر کا سفر سات منٹ میں طے کرنا تھا،
 دوڑ میں پاس ہونے والے امیدواروں کو انٹرویو کےلئےبلایا جائے گا
2
پاکستان کے صدر مملکت کو یکساں قومی نصاب پر بریفنگ
اسلام آباد:صدر مملکت ڈاکٹر عارف علوی نے تعلیمی شعبے میں تفریق ختم کرنے کیلئے یکساں قومی نصاب کا نفاذ یقینی بنانے کی ضرورت پر زور دیتے ہوئے کہا ہے
کہ طلبہ میں کردار سازی، تنقیدی اور تخلیقی سوچ فروغ دینے پر توجہ مرکوز کی جائے، ملکی سماجی و اقتصادی ترقی کیلئے معیاری اور تحقیق پر مبنی تعلیم دینا ضروری ہے۔وہ بدھ کو یہاں ایوانِ صدر میں یکساں قومی نصاب پر بریفنگ اجلاس کی صدارت کر رہے تھے۔
اس موقع پروفاقی وزارت تعلیم کی جانب سے صدر مملکت کو بتایا گیا کہ تعلیمی سال 22۔2021 کے دوران پہلی سے پانچویں جماعت کے طلباء کے لئے نیا نصاب متعارف کرایا جائے گا، دُوسرے مرحلے میں چھٹی سے آٹھویں جماعت اور تیسرے مرحلے میں نویں سے بارہویں جماعت کے لئے نصاب کی تیاری شروع کردی ہے۔
یکساں قومی نصاب نجی شعبے، دینی مدارس سمیت تمام وفاقی اکائیوں اور متعلقہ اسٹیک ہولڈرز کی مشاورت سے تیار کیا گیا ہے۔ بریفنگ کے مطابق یکساں قومی نصاب قرآن و سنت ، آئین ، قومی پالیسیاں اور قومی معیارات پر مرکوز ہوگا۔
3
جنر ل ہسپتال میں کلینکل ایگزیم کورس کااختتامی سیشن
لاہور: جنرل ہسپتال میں3 روزہ کلینکل ایگزیم کورس کی اختتامی سیشن ہوا ۔ پرنسپل پی جی ایم آئی پروفیسر الفرید ظفر نے شرکاء میں سر ٹیفکیٹ تقسیم کیے۔
 ورکشاپ کا اہتمام جنرل ہسپتال کی گائنی یونٹ 2کی پروفیسر ڈاکٹر فائقہ سلیم بیگ نے کیا تھا ۔پرنسپل علامہ اقبال میڈیکل کالج پروفیسر عارف تجمل،پروفیسر محمد طیب،پروفیسر ارشد چوہان نے نوجوان ڈاکٹرز کو مستقبل کیلئے مفید معلومات فراہم کیں۔
پروفیسر الفرید ظفر نے کہا کہ ہیلتھ پروفیشنلز کے سامنے سب سے بڑی کامیابی غریب و نادار مریضوں کا علاج کر کے انہیں صحتیابی سے ہمکنار کرنا ہوتا ہے لہذا ڈاکٹر کیلئے ہر مریض کا درجہ وی آئی پی ہونا چاہیے۔جسے بورڈ کے اختیارات سے متعلقہ قوانین کی پڑتال سے مشروط کیا گیا۔ صوبائی وزیر برائے ہائر ایجوکیشن نے کہا کہ حکومت کا کام سرکاری اداروں اور نصابی کتب کے معیار کو بہتر بنانا ہے۔ یکساں مواد پر مبنی مہنگی یا سستی کتاب کے انتخاب کا اختیار عوام کے پاس موجود ہے۔
4
ایمرسن کالج ملتان کو یونیورسٹی کا درجہ دیئے جانے پر اساتذہ کو تشویش
ملتان : پنجاب ٹیچرز یونین اور ڈسٹرکٹ ہیڈ ماسٹرز ایسوسی ایشن نے ملتان کے تاریخی ورثہ گورنمنٹ ایمرسن کالج کو یونیورسٹی کا درجہ دیئے جانے پر شدید تشویش کا اظہار کرتے ہوئے الگ یونیورسٹی بنانے کا مطالبہ کردیا ہے
 اس سلسلے میں پنجاب ٹیچرز یونین کے سینئر نائب صدر پنجاب رانا الطاف حسین اور ڈسٹرکٹ ہیڈ ماسٹرز ایسوسی ایشن کے صدر عابد فرید بزدار نے اپنے مشترکہ بیان میں کہا ہے کہ موجودہ حکومت ملتان کے تاریخی ورثہ گورنمنٹ ایمرسن کالج کی شناخت کو ختم کرنا چاہتی ہے
 جس کی وجہ سے اہلیان ملتان ، اساتذہ اور طلبہ میں شدید تشویش کی لہر پائی جاتی ہے حکومت ملتان کے تاریخی ورثہ گورنمنٹ ایمرسن کالج کی شناخت کو ختم کرنے کی بجائے الگ یونیورسٹی بنائے افسوسناک صورتحال یہ ہے کہ وزیر خارجہ مخدوم شاہ محمود قریشی ،صوبائی وزیر ڈاکٹر اختر ملک سمیت ملتان سے تعلق رکھنے والے دیگر اراکین اسمبلی آخر اس ناانصافی پر خاموش کیوں ہیں
 انڈسٹریل اسٹیٹ زون سمیت دیگر زون بنائے جاتے ہیں لیکن الگ یونیورسٹی بنانے کے لئے ملتان کے سیاستدانوں کے پاس کوئی جگہ نہیں ہے
اگر وفاقی و صوبائی حکومت نے گورنمنٹ ایمرسن کا لج کی شناخت ختم کی تو پنجاب ٹیچرز یونین اور ڈسٹرکٹ ہیڈ ماسٹرز ایسوسی ایشن مشترکہ احتجاجی تحریک چلانے پر مجبور ہو جائے گی۔
5
"Free E-Commerce Awareness Workshop" on "How to Do Business on Amazon" at Multan Arts Council
ملتان آرٹس کونسل  میں’’ ایمزون پر کاروبار کیسے کیاجائے کے موضوع پر ’’فری ای کامرس آگاہی ورکشاپ ‘‘
ملتان:روزنامہ جنگ کلچرل ونگ ملتان اور ای کامرس گلیکسی کے زیر اہتمام خواتین وحضرات ،طلبا وطالبات اورتمام افراد کے لیے جو دنیاکی سب سے بڑی مارکیٹ ایمزون پر کام کرکے آن لائن بھاری آمدنی حاصل کرناچاہتے ہیں۔پاکستان میں رہ کر ایمزون پر کاروبار کیسے کیاجائے کے موضوع پر ’’فری ای کامرس آگاہی ورکشاپ ‘‘ملتان آرٹس کونسل ملتان میں منعقد ہوئی۔
ای کامرس گلیکسی کے ڈاکٹر شہزاد یوسف،ذیشان جلیل ،جواد لطیف ،عرفان یعقوب اورعثمان نے ای کامرس گلیکسی کے متعلق خصوصی لیکچردیتے ہوئے کہاکہ کرونا کی وباء میں نوجوان طبقہ بہت زیادہ بے روزگاری کا شکار ہوا، اب آن لائن ٹریڈنگ کو فروغ مل رہا ہے پنجاب گورنمنٹ بھی آن لائن ٹریڈنگ کے پروگرامز ترتیب دے رہی ہے۔
ای کامرس گلیکسی ان تمام افراد کو شرکت کی دعوت دیتی ہے جو ایمزون پر کام کرکے آن لائن بھاری آمدنی حاصل کرنا چاہتے ہیں۔ ای کامرس کی سب سے بڑی مارکیٹ یو ایس اے ہے پاکستان میں اس وقت دو،تین ادارے ای کامرس پر کام کررہے ہیں اور ای کامرس آن لائن کے حوالہ سے خصوصی کورس متعارف کروارہاہے۔
انہوں نے کہا کہ ای کامرس پاکستان کا واحد ادارہ ہے جو ای کامرس کی تعلیم کیساتھ ساتھ سٹی کالج آف لندن کی معاونت سےاعلیٰ معیار کی بین الاقوامی اکیڈیمک تعلیم بھی متعارف کروارہاہے،
 پروگرام کااہتمام سلیم کامران انچارج جنگ کلچرل ونگ نے کیا جبکہ معاونت سید توقیر شاہ ایسوسی ایٹ انچارج جنگ کلچرل ونگ لاہور،ملتان ،محمد ذیشان، افتخار احمد اور محمد عمیر نے کی۔
6
Current Affair / بلوچی مشاعرہ کوئٹہ میں ہوگا
« Last post by AKBAR on February 23, 2021, 04:31:23 PM »
بلوچی مشاعرہ کوئٹہ میں ہوگا
کوئٹہ:نظامت ثقافت بلوچستان کی جانب سے24فروری کوسہ پہر تین بجے نوری نصیر خان کمپلیکس اسپنی روڈ کوئٹہ میں بلوچی مشاعرہ منعقد کیا جا رہا ہےجس کے مہمان خصوصی صوبائی مشیر عبدالخالق ہزارہ ہونگے۔
7
Oath Taking Ceremony of MBBS First Year at Fatima Jinnah Medical University Lahore

فاطمہ جناح میڈیکل یونیورسٹی لاہور میں ایم بی بی ایس فرسٹ ائیرکا حلف برداری کی تقریب
لاہور:صوبائی وزیر صحت ڈاکٹریاسمین راشدنے تقریب سے خطاب میں کہاکہ ڈاکٹری کو پیغمبر ا نہ پیشہ کہتے ہیں،اللہ نے آپ کو خدمت انسانیت کیلئے چُناہے۔آپ کے ساتھ ساتھ آپ کے والدین بھی اس کامیابی کی مبارکبادکے مستحق ہیں۔
ڈاکٹریاسمین راشدنے کہاکہ ایک ڈاکٹرکی تشبیہ حضرت عیسیٰ ؑ سے دی جاتی ہےایک ڈاکٹرخدمت انسانیت کے جذبہ سے سرشارہوناچاہئے۔ وزیر صحت پنجاب ڈاکٹریاسمین راشدنے فاطمہ جناح میڈیکل یونیورسٹی میں ایم بی بی ایس کی فرسٹ ائیرمیں داخل ہونے والی طالبات سے خدمت خلق کا حلف لیا۔
صوبائی وزیر صحت نے فاطمہ جناح میڈیکل یونیورسٹی میں ایم بی بی ایس فرسٹ ائیرکی طالبات کی تقریب حلف برداری میں بطورمہمان خصوصی شرکت کی۔وائس چانسلر پروفیسرڈاکٹرشیریں خاورنے وزیر صحت کی آمدپرشکریہ اداکیااور نئی طالبات کو فیکلٹی ممبران سے متعارف کروایا۔صوبائی وزیر صحت نے مزیدکہاکہ معاشرہ میں ڈاکٹرکی عزت کے رتبہ کو پیسوں سے نہیں تولاجاسکتا۔
لوگ پیسوں والوں کونہیں بلکہ خدمت انسانیت کرنے والوں کویادکرتے ہیں۔عبدالستارایدھی نے خدمت انسانیت کے ذریعے اپنا مقام بنایا۔ڈاکٹریاسمین راشدنے کہاکہ فاطمہ جناح میڈیکل یونیورسٹی طالبات کیلئے ہمیشہ قابل فخر طبی درسگاہ رہے گی۔ایک ڈاکٹر مریضوں کیلئے روشن چراغ کی مانندہوناچاہئے۔
وزیر صحت پنجاب نے کہاکہ ڈاکٹراپنے پیشہ کوعبادت سمجھ کراپنائیں،اللہ پاک ہمیں ملک و قوم کی خدمت کرنے کی توفیق عطافرمائے۔صوبائی وزیر صحت نے کہاکہ وزیراعظم عمران خان اوروزیراعلیٰ پنجاب سردارعثمان بزدارکے ویژن کے مطابق صوبہ کی عوام کی خدمت کررہے ہیں۔ گنگارام ہسپتال میں اسٹیٹ آف دی آرٹ چھ سوپچاس بستروں پرمشتمل مدراینڈچائلڈ بلاک زیرتعمیرہے۔
8
begum nusrat bhutto university sukkur admission Test
بیگم نصرت بھٹو وویمن یونیورسٹی سکھر میں داخلوں کے لیے ٹیسٹ
کراچی: بیگم نصرت بھٹو وویمن یونیورسٹی میں داخلوں کے لیے انٹری ٹیسٹ کا انعقاد ہوا۔ یونیورسٹی میں منعقدہ انٹری ٹیسٹ میں طلبا کی والدین کے ہمراہ کثیر تعداد میں شرکت۔ یونیورسٹی کے مختلف پروگرامز میں داخلوں کے لیے 283 درخواستیں موصول ہوئیں, یونیورسٹی انتظامیہ کے مطابق انٹری ٹیسٹ میں 270 طالبات نے شرکت کی. پانچ سالہ ڈاکٹر آف فزیو تھراپی پروگرام کے لیے بھی تحریری ٹیسٹ لیا. یونیورسٹی انتظامیہ تحریری ٹیسٹ کے موقع پر ایس او پیز پر عملدرآمد یقنی بنایا گیا۔
9
بلوچستان اسٹوڈنٹس آرگنائزیشن کا لاپتہ افرادکےاہلخانہ سےاظہاریکجہتی کیلئےاحتجاجی کیمپ
کوئٹہ: بلوچستان اسٹوڈنٹس آرگنائزیشن کے زیر اہتمام بلوچستان کے مختلف علاقوں سے مبینہ طور پر لاپتہ ہونے والے افراد کے اہلخانہ سے اظہار یکجہتی کیلئے کوئٹہ پریس کلب کے سامنے ایک روزہ احتجاجی کیمپ قائم کیا گیا ۔
اس موقع پر سابق چیئرمین بی ایس او نذیر بلوچ ،بی این پی کے مرکزی ہیومن رائٹس سیکرٹری موسیٰ بلوچ، سابق رکن قومی اسمبلی میر عبدالرؤف مینگل ، حاجی وزیر خان مینگل، غلام نبی مری، پی ایس ایف کے عالمگیر مندوخیل،پی ایس ایف آزاد کے سید زبیر شاہ آغا، پی ایس او کے کبیر افغان سمیت دیگر نے احتجاجی کیمپ کا دورہ کرکے متاثرہ خاندانوں سے یکجہتی کا اظہار کیا۔
ایک روزہ احتجاجی کیمپ کے اختتام پر بی ایس او کے مرکزی سیکرٹری اطلاعات حفیظ بلوچ نے دیگر رہنماؤں کے ہمراہ پریس کانفرنس کرتے ہوئے کہا کہ ہمارا تعلق ایک ایسے خطے سے ہے جہاں لوگ کئی دہائیوں سے ظلم وزیادتیوں اور ناانصافیوں کا سامنا کرتے چلے آرہے ہیں ،
 انہوں نے الزام عائد کیا کہ 2000کے بعدسے لاپتہ افراد کی تعداد میں اضافہ ہوا اس سے پہلے بھی لوگ لاپتہ ہوتے رہے ہیں۔ انہوں نے کہا کہ لاپتہ افراد کے اہلخانہ اپنے پیاروں کی تلاش میں اسلام آباد کے ڈی چوک پر گزشتہ کئی دنوں سے دھرنا دیئے بیٹھے ہیں
مگر حکمران ان کی آواز سننے کی بجائے تعصبانہ بیانات دےرہے ہیں ،
 انہوں نے کہا کہ لاپتہ افراد کے اہلخانہ اپنے پیاروں کی بازیابی کا مطالبہ کررہے ہیں کسی سے کوئی مراعات نہیں مانگ رہے ریاست کی ذمہ داری ہے کہ لاپتہ افراد کا کھوج لگاکر متاثرہ خاندانوں کو انصاف فراہم کرے ۔
10
خیبر پختونخوا :دو یونیورسٹیوں نے چست جینز، ٹی شرٹس اور میک اپ پرپابندی عائد
پشاور: خیبر پختونخوا کی 2 یونیورسٹیوں نے چست جینز، ٹی شرٹس اور میک اپ پر دیگر چیزوں کے ساتھ پابندی عائد کرنے کے لئے نئی ڈریس کوڈ پالیسی نافذ کردی۔
صوبائی گورنر شاہ فرمان کی ہدایت پر عمل کرتے ہوئے خیبر پختونخوا کی 2 یونیورسٹیوں نے چست جینز، ٹی شرٹس اور میک اپ پر دیگر چیزوں کے ساتھ پابندی عائد کرنے کے لئے نئی ڈریس کوڈ پالیسی نافذ کردی، جس کی تعمیل میں ہزارہ یونیورسٹی سرفہرست ہے، جس نے 6 جنوری کو اس کا نوٹیفکیشن جاری کیا تھا۔
نوٹیفکیشن کے مطابق یونیورسٹی کے تمام طلباء، اساتذہ اورعملے کیلئے نئی ڈریس کوڈ پالیسی پر عمل پیرا ہونا ضروری ہے ۔
اس پالیسی کے مطابق  لڑکیوں کو کیمپس میں ٹی شرٹ،چست جینز، بھاری میک اپ اور زیورات پہننے سے منع کیا گیا ہے۔  وہ فینسی بیگ یا پرس بھی نہیں لا سکیں گی۔
دوسری طرف لڑکوں پریونیورسٹی میں سخت جینز،کلائی چینز،لمبے بال،بالوں میں پونی لگانے اور فیشن والی داڑھی رکھنے پر پابندی عائد کردی گئی ۔
چارسدہ میں باچا خان یونیورسٹی نے بھی اسی طرح کی سفارش کو اپنے سنڈیکیٹ اجلاس میں منظور کیا۔
اس سلسلے میں بات کرتے ہوئے ماہر تعلیم ڈاکٹر خادم حسین نے کہا کہ یہ پالیسیاں تاریک دور کی یاد دلاتی ہیں اور ان کا صوبے میں تعلیم کے معیار کے ساتھ کوئی تعلق نہیں۔
ایسا ہی ہے کہ ہم بنیاد پرستی اور انتہا پسندی کے دنوں میں واپس جارہے ہیں۔
سابق پروفیسر ڈاکٹر اعجاز خان کے مطابق انہوں نے ترقی یافتہ دنیا میں یونیورسٹی سطح کے طلبہ پر عمل درآمد جیسی پالیسی کے بارے میں کبھی نہیں سنا ہے۔
ایسی ذہنیت ہمارے نوجوانوں کی سوچنے کی صلاحیت کو روک سکتی ہے جو ہمیں عسکریت پسندی اور دہشت گردی کے دنوں میں واپس لے جاسکتی ہے۔
دوسری طرف  وزیر اعلی کے مشیر اعلیٰ تعلیم کامران بنگش نے کہا یونیورسٹیوں کویہ حق حاصل ہے کہ وہ غریبوں اور امیروں کے مابین فرق کو ختم کرنے کیلئے اس طرح کی تدابیراختیار کریں۔
ڈریس کوڈ پالیسی کے نفاذ کے بعد  طلبا اب اپنی تعلیم پر توجہ دیں گے۔جبکہ اس سے ان کے والدین پر مالی بوجھ بھی کم ہوگا۔
Pages: [1] 2 ... 10
PakSTUDY © 2006 - 2021 | All Rights Reserved.