Author Topic: وزیر صحت سندھ کا اساتذہ اور والدین کے نام پیغام  (Read 200 times)

Offline sb

  • Good Member Group
  • Hero Member
  • **
  • Posts: 29120
  • My Points +5/-0
  • Gender: Female

وزیر صحت سندھ کا اساتذہ اور والدین کے نام پیغام

وزیر صحت سندھ نے کہا کہ بچوں کو ماسک پہننا اور وقفے وقفے سے ہاتھ دھونا ضروری ہے۔

انہوں نے کہا کہ اسکول انتظامیہ طلبہ و طالبات کو کلاسز میں فاصلے سے بٹھائیں۔

ڈاکٹر عذرا پیچوہو نے کہا کہ کورونا علامت ظاہر ہو تو گھر پر رہیں اور ٹیسٹ کروائیں۔

SOPs پر عمل نہ کرنے پر 22 تعلیمی ادارے بند
 اس سے قبل نیشنل کمانڈ اینڈ آپریشن سینٹر (این سی او سی)کا کہنا تھا کہ ملک بھر میں گزشتہ 48 گھنٹوں کے دوران کورونا ایس او پیز پر عمل درآمد نہ کرنے پر 22تعلیمی ادارے بند کردیے گئے ہیں۔

این سی او سی کی جانب سے جاری بیان میں کہا گیا ہے کہ ایس او پیز پر عمل درآمد نہ کرنے پر خیبر پختونخوا میں 16، اسلام آباد میں 1 اور آزاد کشمیر میں 5 تعلیمی ادارے بند کئے ہیں۔

دوسری جانب کراچی کے علاقے اورنگی ٹاؤن میں وزیر تعلیم سعید غنی کی جانب سے 2 نجی اسکولوں کا اچانک معائنہ کیا گیا ، اس دوران پری پرائمری اور پرائمری اسکولوں میں تدریسی عمل جاری تھا۔

اس موقع پر وزیر تعلیم سندھ نے ڈی سی ویسٹ کو فوری طور پر اسکول سیل کرنے کاحکم جاری کیا۔

واضح رہے کہ کورونا وائرس کے سبب ملک بھر میں تقریباً 7 ماہ سے بند تعلیمی اداروں کو 15 ستمبر سے کھولا گیا ہے۔
حوالہ: یہ خبر روزنامہ جنگ کی ویب سائٹ پر مورخہ 18 ستمبر 2020 کو شائع ہوئی
If you born poor, its not your fault....But if you die poor, its your fault...."Bill Gates"