Author Topic: کئی زبانوں میں ترجمہ کرنے والا فیس ماسک  (Read 211 times)

Offline sb

  • Good Member Group
  • Hero Member
  • **
  • Posts: 29120
  • My Points +5/-0
  • Gender: Female

کئی زبانوں میں ترجمہ کرنے والا فیس ماسک
اسلام آباد:گزشتہ کئی ماہ سے پوری دنیا میں کورونا وائرس کے نام سے ایک عالمی وبا پھیلی ہو ئی ہے۔تو اس سے بچنے کے لیے فیس ماسک لگانا لازمی ہے ۔اس ضمن میں ایک جاپانی کمپنی نے ایک ماسک تیا ر کیا ہے جو سماجی فاصلے کے وقت آپ کی آواز کو بڑھانے اور آٹھ زبانوں میں ترجمہ کرسکتا ہے ۔یہ ماسک ایک ایپ کے ذریعے کام کرتا ہے اور اگر آپ کچھ کہہ رہے ہیں تو یہ اس کا ترجمہ کئی زبانوں میں کرسکتا ہے اور اگر کوئی سماجی فاصلے کی وجہ سے اپنی آواز دوسرے تک پہنچانے سے قاصر ہے تو ماسک ایک لاؤڈ اسپیکر کے ذریعے آپ کی آواز کو بڑھا سکتا ہے۔

اس طرح سماجی فاصلہ اور گفتگو میں آسانی کے لیے اب یہ ماسک مدد گار ثابت ہوگا ۔کمپنی کے مطابق اس ماسک میں سامنے کی جانب سانس لینے کے لیے سوراخ بنائے گئے ہیں۔ ان سوراخ کا اصل کام تر جمہ کرنا اور آپ کی آواز کو بڑھا کر پیش کرنا ہے ۔اس کو پلاسٹک اور سلیکون سے بنایا گیا ہے ۔ اس میں ایک جدید ترین مائیکروچپ نصب ہے جو پہننے والے کے اسمارٹ فون سے بلیو ٹوتھ یا وائی فائی سے جڑسکتی ہے۔ اس طرح آپ ہسپانوی، فرانسیسی، چینی، کوریائی، ویت نامی، انڈونیشیائی، انگریزی اورجاپانی زبانوں میں ترجمہ کرسکتے ہیں۔

یعنی ان آٹھوں زبانوں کو ایک دوسرے میں ترجمہ کیا جاسکتا ہے۔پہلے یہ کمپنی صرف ایک مترجم آلہ بنانا چاہتی تھی لیکن کووڈ 19 آنے کے بعد اسے فیس ماسک میں تبدیل کردیا گیا۔ ماہرین کا کہنا ہے کہ یہ مترجم ماسک ایسے سیاحوں کے لیے بنایا گیا ہے جو ایئرپورٹ پر زبان نہ جاننے کی وجہ سے مشکلات کے شکار ہوتے ہیں یا پھر کسی دوسرے ملک کی اجنبی زبان سے پریشان ہوتے ہیں۔
حوالہ: یہ خبر روزنامہ جنگ کی ویب سائٹ پر مورخہ 27 ستمبر 2020 کو شائع ہوئی
If you born poor, its not your fault....But if you die poor, its your fault...."Bill Gates"